भक्तपुर । प्रतिनिधि सभा सदस्य निर्वाचन २०८२ का लागि लागू हुने पहिलो हुने निर्वाचित हुने (First-Past-The-Post) निर्वाचन प्रणाली अन्तर्गतको नमुना मतपत्र छपाइ कार्य सुरु भएको छ । जनक शिक्षा सामाग्री लिमिटेड, भक्तपुरमा नमुना मतपत्र छपाइ कार्य सुरु गरिएको छ।
मतदातालाई मतदान प्रक्रिया बुझाउन, राजनीतिक दल तथा उम्मेदवारको नाम, चुनाव चिह्न र मत हाल्ने तरिका स्पष्ट पार्न नमुना मतपत्र प्रयोग गरिने आयोगले जनाएको छ।
निर्वाचन तयारीका अन्य कामसँगै नमुना मतपत्र छपाइले मतदाता शिक्षा कार्यक्रमलाई थप प्रभावकारी बनाउने अपेक्षा गरिएको छ। आयोगका अनुसार समयमै मतपत्र व्यवस्थापन, परीक्षण र वितरण सुनिश्चित गर्न छपाइ प्रक्रिया चरणबद्ध रूपमा अघि बढाइएको छ।
आगामी निर्वाचनलाई निष्पक्ष, पारदर्शी र व्यवस्थित बनाउने उद्देश्यले आवश्यक सबै प्राविधिक र प्रशासनिक तयारी तीव्र पारिएको निर्वाचन आयोगले जनाएको छ।
तस्बिर:प्रदीपराज वन्त -निर्वाचन आयोग
