काठमाडौं: नेपाली कांग्रेस विशेष महाधिवेशन पक्षधरले विशेष महाधिवेशनको लागि भन्दै हल बुकिङ गरेका छन् ।
पुस २७ र २८ गतेका लागि भृकुटीमण्डपमा विशेष महाधिवेशनका लागि हल बुकिङ गरिएको विशेष महाधिवेशन तयारी समितिका सदस्य रमेश धमलाले जानकारी दिनुभयो ।
कांग्रेस महामन्त्रीद्वय विश्वप्रकाश शर्मा र गगनकुमार थापाको सहमतिमा विशेष महाधिवेशनको लागि हल बुकिङ गरिएको जनाईएको छ ।
कांग्रेस १४औं महाधिवेशनका ५४ प्रतिशत महाधिवेशन प्रतिनिधिहरुले विशेष महाधिवेशनको माग गर्दै केन्द्रीय कार्यालयमा हस्ताक्षर बुझाएका थिए ।
कांग्रेसको विधानअनुसार ४० प्रतिशत महाधिवेशन प्रतिनिधिहरुले माग गरेको खण्डमा ३ महिनाभित्र विशेष महाधिवेशन बोलाउनुपर्ने हुन्छ । ५४ प्रतिशत महाधिवेशन प्रतिनिधिहरुले विशेष महाधिवेशनको माग गर्दै हस्ताक्षर बुझाएको यही पुस २८ गते ३ महिना पुग्दैछ ।
नियमित महाधिवेशनको मिति तोकिए पनि सो मितिमा पार्टीको १५औं महाधिवेशन नहुने पक्का भएपछि विशेष महाधिवेशन पक्षधरहरुले विशेष महाधिवेशनको तयारी थालेका हुन् ।
