काठमाडौं । नेसनल भोलिन्टियर्स फोर्सले सुदन गुरुङसहित जेनजी समूहका नाममा भइरहेका अराजक गतिविधि नरोके प्रतिरोध गर्ने चेतावनी दिएको छ।
एमाले पोलिटब्युरो सदस्य महेश बस्नेतमाथि विराटनगर विमानस्थलबाट बाहिरिने क्रममा भएको घटनाले ध्यानाकर्षण भएको जनाउँदै फोर्सले यस्तो चेतावनी सार्वजनिक गरेको हो।
घटनामा संलग्न व्यक्तिलाई प्रहरीले नियन्त्रणमा लिएसँगै आवश्यक कानुनी कारबाही गर्न नेपाली कांग्रेसलाई समेत फोर्सले आग्रह गरेको छ।
शनिबार मात्रै सुधन गुरुङ नेतृत्वका समूहले एमाले नेता किसान श्रेष्ठको घरमै पुगेर गुण्डागर्दी शैलीमा परिवारका सदस्यलाई धम्की दिएको घटनाप्रति पनि आफूहरूको गम्भीर ध्यानाकर्षण भएको फोर्सले जनाएको छ।
यस्ता घटनाले कानून व्यवस्था कमजोर बन्ने भन्दै फोर्सले यथाशीघ्र कठोर कदम चाल्न सम्बन्धित पक्षलाई आग्रह गरेको छ।
