एजेन्सी । एसएस राजामौलीको आगामी फिल्म ‘वाराणसी’ मा सुपरस्टार महेश बाबुको मेहनत र लगनको निकै चर्चा भइरहेको छ।
एसएस राजामौलीले विशेष रूपमा भनेका छन् कि महेश बाबु शूटिङका क्रममा लगातार आठ घण्टा काम गर्छन् र यसबीच आफूले मोबाइल फोनसमेत छुँदैनन्।
उनको यो कार्यशैली फिल्म उद्योगमा अनुकरणीय मानिएको छ। महेश बाबु निकै प्रोफेसनल मानिन्छन् र फिल्मका प्रत्येक दृश्यमा उनले आफ्नो सम्पूर्ण शक्ति लगाउँछन्।
हैदराबादको रामोजी फिल्म सिटी मा आयोजित एक कार्यक्रममा एसएस राजामौलीले महेश बाबुको प्रशंसा गर्दै भने – ‘महेश बाबुको क्यारेक्टरमा केही खास छ। केही यस्तो छ जुन सबैले सिक्नुपर्छ। जब महेश बाबु अफिस वा शूटिङमा आउँछन्, उनी फोन छुँदैनन्। आठ घण्टा काम गर्छन् र केवल घर फर्किँदा मात्र फोन हेर्छन्। यो गुण सबैका लागि महत्वपूर्ण पाठ हो।’
उनको यो बयानले सबैलाई आश्चर्यचकित बनाएको छ। साथै, यो आठ घण्टे कार्यशैलीको कुरा अभिनेत्री दीपिका पादुकोणसँग पनि जोडेर हेरिएको बताइन्छ।
फिल्म ‘वाराणसी’ मा महेश बाबुको लुक र क्यारेक्टर निकै भिन्न र दमदार हुने बताइएको छ। यो क्यारेक्टर हनुमानबाट प्रेरित भएको मानिन्छ।
एसएस राजामौलीले सधैंझैं यस फिल्ममा पनि केही नयाँ र विशाल स्तरमा प्रस्तुत गर्ने प्रयास गरेका छन्, जसले गर्दा यो फिल्म भारतसँगै अन्तर्राष्ट्रिय बजारमा पनि धमाका गर्न सक्ने अपेक्षा गरिएको छ।
वाराणसीको कथा र एक्शन सिक्वेन्सलाई लिएर दर्शकहरूमा उत्साह उच्च छ। महेश बाबुसँगै प्रियंका चोपडा र पृथ्वीराज सुकुमारन पनि यस फिल्ममा महत्वपूर्ण भूमिकामा छन्। यो फिल्म २०२७ मा रिलिज हुने अनुमान गरिएको छ।
