जनकपुरधाम । सोमबारबाट आन्दोलनरत मधेश प्रदेशका असन्तुष्ट सात दलले आज पनि प्रदर्शन जारी राखेका छन् ।
मधेश प्रदेशका मुख्यमन्त्री सरोजकुमार यादवको नियुक्ति असंवैधानिक रहेको भन्दै सात दलका सांसदहरू मुख्यमन्त्री कार्यालय अगाडि गेटमा र पारिपट्टि रहेको मिल्स एरियामा प्रदर्शन गरेका हुन् ।
उनीहरुले धर्ना, विरोध, नाराबाजी शुरु गरेपछि त्यहाँको सुरक्षा व्यवस्था कडा पारिएको छ ।
मुख्यमन्त्री यादवको नियुक्ति प्रक्रियाविरुद्ध नेपाली कांग्रेस, नेकपा माओवादी केन्द्र, लोकतान्त्रिक समाजवादी पार्टी (लोसपा) नेपाल, लगायतका सांसदहरूले धर्ना दिएका हुन् । सांसदहरू सडकमा धर्नामा बसेपछि सो क्षेत्रमा सवारी आवागमन समेत रोकिएको छ ।
