एजेन्सी । अमेरिकी संघीय सरकारको बन्द बिहीवार ३७ औं दिनमा प्रवेश गरेको छ । जुन इतिहासकै सबैभन्दा लामो हो । जसले हवाई ट्राफिक प्रभावित भइरहेको छ ।
अमेरिकी संघीय उड्डयन प्रशासनले शुक्रवारदेखि ४० स्थानहरूमा हवाई ट्राफिक १० प्रतिशतले घटाउनेछ । किनकि संघीय सरकारको बन्द अमेरिकी इतिहासमा सबैभन्दा लामो बन्द भएको छ ।
यातायात सचिव शन डफीले अमेरिकी संघीय सरकारको बन्द शुरु भएदेखि लगभग १३ हजार हवाई ट्राफिक नियन्त्रकहरू र लगभग ५० हजार विमानस्थल सुरक्षा अधिकारीहरू तलव बिना काम गर्न बाध्य भएका बताउनु भयो । कर्मचारीहरूको बढ्दो संख्याले बिदा लिएको छ । जसले गर्दा उड्डयन उद्योगमा कर्मचारीको अभाव तिब्र भएको छ, धेरै क्षेत्रहरूमा उडान ढिलाइ बढेको छ र उड्डयन सुरक्षामा चिन्ता बढेको छ ।
