काठमाडौं । बुधबार साँझदेखि पर्न थालेको पानी अझै रोकिएको छैन । बंगालको खाडीमा विकास भएको मोन्था चक्रवातको प्रभावले पानी परेको हो । यसले सबैभन्दा बढी क्षति धानबालीमा पुगेको छ ।
पाकेको धान काटेर राखिएकै ठाउँमा भिजेको छ । पाक्क लागेको धान डलेर नष्ट भएको छ ।
किसानहरु अहिले धान बाली नष्ट भएको टुलुटुलु हेर्न बाध्य छन् । उनीहरुको वर्षभरीको मेहनत खेर गएको छ ।
भोलिदेखि मनसुन कमजोर हुँदै जाने जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
मोन्था हाल भारतको मध्य प्रदेश आसपासमा न्यूनचापीय क्षेत्रका रुपमा रहेको छ । त्यस प्रणालीको कारणले नेपालको मौसम आज साँझसम्म प्रभावित हुने महाशाखाको भनाइ छ ।
(फोटो : रासस)
