काठमाडौँ । नेपाल क्रिकेट सङ्घ (क्यान) र खेलाडीबीचको विवाद समाधान भएको छ । क्यानको कारवाहीमा परेका पूर्वकप्तान ज्ञानेन्द्र मल्लसहितका खेलाडी टिममा फर्किने भएका छन् ।
सन्दीप लामिछानेको कप्तानीलाई स्वीकार गर्दै ज्ञानेन्द्रसहितका खेलाडी अब टि–२० ग्लोबल छनोटका लागि बन्द प्रशिक्षणमा सहभागी हुने भएका छन् । खेलकुदमन्त्री महेश्वर गहतराजले ज्ञानेन्द्रलाई फोन गरी विवादलाई धेरै नलम्ब्याउन आग्रह गरेको बुझिएको छ ।
क्यानले हिजो मात्र लगातार संवाद गरी सहमतिका लागि असन्तुष्ट खेलाडीहरुसँग आग्रह गरेको थियो । साथै क्यानले खेलाडीमाथि कारवाही फिर्ता र ग्रेडिङमा भएको त्रुटि सच्याउन लचिलो हुने बताएपछि खेलाडीहरु पनि टिममा फर्किएका हुन् ।
