काठमाडौं । प्रधानमन्त्री सुशीला कार्कीले जेन–जीका चार जना प्रतिनिधिलाई मन्त्रिपरिषद्मा सहभागी गराउने तयारी गरेपछि जेन–जी अगुवा मिराज ढुंगानाले प्रश्न उठाएका छन् ।
प्रधानमन्त्री कार्कीले आगामी सोमबारसम्म शपथ गर्ने गरी चार जना नयाँ मन्त्री नियुक्त गर्न लागेकी छन् ।
जेनजीहरूको प्रतिनिधित्व गरेर नयाँ मन्त्री हुनेहरूमा गणपतिलाल श्रेष्ठ, बब्लु गुप्ता, रामजी राम र टासी ल्हाजोम रहेका छन् । श्रेष्ठलाई संस्कृति, पर्यटन तथा नागरिक उड्ययन, गुप्ता युवा तथा खेलकुद मन्त्रालय, रामलाई स्वास्थ्य तथा जनसंख्या मन्त्रालय र टासीलाई महिला, बालबालिका तथा ज्येष्ठ नागरिक मन्त्रालयको जिम्मेवारी दिने तयारी गरिएको हो ।
भदौ २३ र २४ गतेको जेन–जी आन्दोलनको बलमा भदौ २७ गते प्रधानमन्त्रीमा नियुक्त कार्कीले अझै परिषद्लाई पूर्णता दिन सकेकी छैनन् ।
जेन–जीलाई समेटेर मन्त्रिपरिषद् बनाउने भनिए पनि सहमति जुटाउन नसक्दा ढिलाइ भएको हो । धेरै पक्षसँग छलफल गरेर अहिले चार जना मन्त्रीलाई बनाउन लागेकी हुन् ।
तर जेन–जी अगुवा मिराज ढुंगानाले उनीहरु जेन–जीका प्रतिनिधि नभएको बताएका छन् ।
मिराजले आज सामाजिक सञ्जाल टिकटकमा आफ्नो भिडियो राख्दै प्रधानमन्त्रीले सिफारिस गर्र्ने तयारी गरेको को चाहिँ जेन्जी हो र कसको सिफारिस गरेको हो भनेर सोधेका छन् ।
उनले भनेका छन्– ‘जेन–जी आन्दोलनबाट निस्किएका युवाको प्रतिनिधित्व होस् भन्ने हाम्रो कामना थियो । तर उहाँहरुमध्ये को चाहिँ जेनजी हो र को होइन, कसले सिफारिस गरेको हो भनिदिनस् सरकार ?
@mirajdhungana489 Sadak ko ragat nai nabhayeko mantri le hamro pratinidhitwa kasari garne?
