मानव शरीरको तहस नहस पार्ने कोरोना भाइरसले यतिबेला अमेरिकामा ठूलो बज्रपात परेको छ।अमेरिकामा कोरोना भाइरस (कोभिड–१९ )बाट सबैभन्दा बढी नागरिक गुमाउने पहिलो देश बनेको छ। रोयटर्सका तथ्याङ्क अनुसार अमेरिकामा कोरोना महामारी अलि पछि सुरु भएको थियो तर पनि त्यहाँ अहिले २० हजार ५ सय भन्दा बढीको ज्यान गएको छ।
हालसम्म अमेरिकामा ५ लाख ३२ हजार ८ सय ७९ जनामा संक्रमण पुष्टि भएको छ। अमेरिकामा सबैभन्दा बढी संक्रमित न्यू योर्क राज्यमा भेटिएका छन्। त्यहाँ १ लाख ८० हजारबढी जनामा संक्रमण भेटिएको छ। पछिल्लो २४ घण्टामा त्यहाँ ७ सय ८३ जनाले संक्रमणबाट ज्यान गुमाएका छन्।
शनिबारसम्ममा (हिजो) अमेरिकाभर २ हजार जनाको संक्रमणका कारण मृत्यु भएको छ। संक्रमणबाट अमेरिकामा एकैदिन यति धेरै जनाको मृयु भएको यो पहिलोपटक हो। अहिले अमेरिकामा दैनिक जीवन संकट पूर्ण रहेको छ।
