काठमाडौं । राष्ट्रिय क्रिकेट खेलाडी ज्ञानेन्द्र मल्लसहित ९ जना बन्द प्रशिक्षणमा फर्किएका छन् । यससँगै नेपाली क्रिकेटको विवाद समाधानतर्फ गएको हो ।
नेपाल क्रिकेट संघ (क्यान) ले टी–२० विश्वकप ग्लोबल क्वालिफायरका लागि ३० खेलाडीलाई बन्द प्रशिक्षणमा बोलाएको थियो ।
उनीहरुलाई १७ पुससम्म रिपोर्टिङ गर्न भनिएको थियो । तर १४ खेलाडीले कप्तान र उपकप्तान हटाउने तथा चार जनालाई २०२२ को ६ महिना सेन्ट्रल कन्ट्र्याक्टमा नराख्ने क्रिकेट संघको निर्णयको फिर्ता नभएसम्म बन्द प्रशिक्षणमा नजाने अडान लिएका थिए ।
सोमबार भएको छलफलपछि सबै जना राष्ट्रिय टिम बन्द प्रशिक्षणका लागि होटलमा पुगेका हुन् ।
