काठमाडौ । प्रहरीले यातायात व्यवस्था विभागको गुर्जुधारास्थित कार्यालयबाट १६ जना विचौलियालाई प्रहरीले पक्राउ गरेको छ ।
लाइसेन्स, ब्लुबुक नबिकरण गराउन तथा राजस्व तिर्न गएका सेबाग्राहीहरु संग छिटो छरितो काम गरिदिने भनी जबरजस्ती तानातान गर्ने लाग्ने भन्दा बढी दस्तुर लिनेगरेको गुनासो आएपछि १६ जनालाई पक्राउ गरेको महानगरीय प्रहरी परिसर काठमाडौंले जनाएको छ ।
पक्राउ पर्नेमा चन्द्रागिरि नगरपालिका(६ बस्ने २३ वर्षीय सुबिन लामा, चन्द्रागिरि ५का २४ वर्षीय शौरव श्रेष्ठ, चन्द्रागिरीकै २७ वर्षीय राजेश खड्की, चन्द्रागिरिकै २१ वर्षीय रविन कार्की, चन्द्रागिरिका २५ वर्षीय अजय महर्जन र चन्द्रागिरिकै २६ वर्षीय हरिकृष्ण पहरी रहेका छन् ।
यसै गरी धरानका २७ वर्षीय राकु तामाङ, अछाम घर भएका २१ वर्षीय एकेन्द्र बुढा, ओखलढुंगा घर भएका ३८ वर्षीय विरेन्द्र कटुवाल, तनहुँ घर भएका २३ वर्षीय शुसान्त राजभण्डारी, मकवानपुर घर भएका १९ वर्षीय विशाल लामा, रोल्पा घर भएका २३ वर्षीय जीवन मगर, झापा घर भएका २८ वर्षीय विशाल मेचे, ओखलढुंगा घर भएका २१ वर्षीय विवेक न्यौपाने, ललितपुर घर भएका ३४ वर्षीय रुद्रबहादुर महत र सिन्धुपाल्चोक घर भएका २१ वर्षीय छिरिङ तामाङ रहेको महानगरीय प्रहरी परिसर काठमाडौंले जनाएको छ ।
पक्राउ परेकाहरुमाथि अनुसन्धान भइरहेको महानगरीय प्रहरी परिसरले बिज्ञप्ति जारी गरि जानकारी गराएको छ । उनिहरुलाई हाल महानगरीय प्रहरी वृत्त थानकोटमा राखिएको छ ।
