काठमाडौं । नेपालीहरुको महान पर्व विजया दशमीको रौनक शुरु भइसकेको छ । असोज ६ गतेदेखि नै विधिवत रुपमा शुरु भइसकेको दशैँ असोज १६ गते टीकाको शुभ साईत छ ।
असोज ६ गते घटस्थापना गरी दशैँ घरमा जमरा राखिएको थियो । दशैँ शुरु भएसँगै पसलमा कपडा किन्नेहरु, पिङ खेल्न पिङ हालेको ठाउँमा पुग्नेहरुको संख्या उल्लेख्य देख्न सकिन्छ ।
नेपालीहरुले दशैँलाई भव्य रुपमा मनाउने गर्दछन् । काठमाडौंका विभिन्न चोक चोकमा लिङ्गे पिङ हालेको देख्न सकिन्छ । साना बालबालिकादेखि किशोर किशोरीहरुसम्म पिङ खेल्न चोक चोकमा हँसिलो अनुहारका साथ देख्न सकिन्छ ।
न्युज एजेन्सी नेपालका फोटो पत्रकार अनुप प्रधानले काठमाडौं उपत्यकाका विभिन्न स्थानमा पुगेर लिङ्गे पिङ र पिङमा मच्चिएकाहरुको कैद गर्नुभएको तस्बिर आजको फोटो फिचरमा ।
