काठमाडौं । नेकपा (एमाले) केन्द्रीय सदस्य रचना खड्काले नयाँ पुस्ता (जेनजी) ले उठाइरहेको मुद्दा सकारात्मक रहेको बताएकी छिन् ।
सामाजिक सञ्जालमार्फत उनले आफ्नो सन्देश दिँदै राजनीतिक आन्दोलनमा संलग्न हुँदा अघिल्ला पुस्ताले भविष्यमा नयाँ पुस्ताले निरंकुश शासनको विरुद्धमा लड्नु नपरोस् भन्ने आशा गरेको उल्लेख गरेकी छन् ।
वर्तमान पुस्ताले व्यवस्था परिवर्तनको लडाइँ लड्नु नपरेपनि राजनीति केवल व्यवस्था परिवर्तनमा सीमित नभई न्याय, समानता, सुशासन, समुन्नत नेपाल र राष्ट्रिय स्वाभिमानसहित ‘परिपूर्ण लोकतन्त्र’ निर्माणमा केन्द्रित हुनुपर्ने उनको धारणा छ ।
खड्काले नयाँ पुस्ताले सामाजिक–राजनीतिक चेतना अभिव्यक्त गर्ने क्रममा परिपक्वता देखाइरहेको भन्दै प्रसंशा गरिन् । उनले भनेकी छन्, “तपाईंहरुको पुस्ताले यस्ता मुद्दाहरुमामा आफ्नो अभिमत जसरी प्रकट गरिरहनु भएको छ, यो असाध्यै सकारात्मक छ । आशा छ, यस चेतलाई कसैले पनि दलीय राजनीतिक उद्देश्य पूर्तिको माध्यम बनाउने छैनन् ।”
उनले फेसबुकमा लेखेकी छन्ः
प्रिय Gen-Z
हाम्रो पुस्ता राजनीतिक आन्दोलनमा जोडिँदा हामी भन्ने गर्दथ्यौ – हामी भन्दा पछिल्लो पुस्ताले निरंकुश शासन ब्यबस्थाको बिरुद्ध लड्नु नपरोस । जन्मदै प्रजा भएर जन्मन नपरोस ।
नभन्दै तपाइँहरुको पुस्ता यसमा लड्नु परेन । तर राजनीति भनेको ब्यबस्था परिवर्तन मात्रै अबश्य हैन । यो राजनीतिक ब्यबस्थालाई न्याय, समानता, शुसाशन, समुन्नत नेपाल र राष्ट्रिय स्वाभीमान अर्थात ुपरिपुर्ण लोकतन्त्रु सहितको बनाउने एजेन्डा अब हाम्रो साझा एजेन्डा हुनुपर्दछ । तपाईंहरुको पुस्ताले यस्ता मुद्दाहरुमा आफ्नो अभिमत जसरी प्रकट गरिरहनु भएको छ यो असाध्यै सकारात्मक छ
।
आशा छ तपाइहरुको यो चेतलाई कसैले पनि आफ्नो दलीय राजनीतिक उद्देश्य परिपुर्तिको माध्यम बनाउने छैनन । तपाइहरुको पुस्ताले यो परिपक्वता देखाउनेछ । जसरी आजको तपाइहरुको उमेरमा हुँदा अघिल्ला पुस्ताहरुले पनि आफ्नो समय अनुसारको जिम्मेवारि सोही अनुसार पूरा गरेका थिए ।
