एजेन्सी । टेलिभिजन सिरियल ‘ये रिश्ता क्या कहलाता है’ मा देखिएका अभिनेता आशीष कपूरलाई बलात्कार आरोपमा प्रहरीले बुधबार पुणेबाट पक्राउ गरेको छ ।
दिल्लीमा गत साउनको दोस्रो हप्तामा भएको एक हाउस पार्टीका क्रममा शौचालयभित्र पीडितसँग जबरजस्ती गरेको भन्दै पीडितले ११ साउनमा प्रहरीमा उजुरी दिएकी थिइन् ।
सुरुवाती उजुरीमा कपूरसहित उनका साथी र दुई जनामाथि सामूहिक बलात्कारको आरोप लगाइए पनि पछि पीडितले बयान परिवर्तन गरी केवल आशीष कपूरमाथि मात्र दुष्कर्मको आरोप लगाइन् ।
पुलिसका अनुसार उनीहरूको परिचय इन्स्टाग्राममार्फत भएको थियो । घटनास्थलको सीसीटीभी र प्रत्यक्षदर्शीका बयानअनुसार पार्टीका क्रममा आशीष र पीडित लामो समय वाशरुमभित्रै थिए ।
डीसीपी (नर्थ) राजा बंथियाले आशीषलाई पुणेबाट पक्राउ गरिएको पुष्टि गरेका छन् । यसअघि उनका साथी र साथीकी श्रीमतीलाई अदालतले अग्रिम जमानत दिएको छ ।
आशीष कपूर देखा एक ख्वाब’ टेलिश्रृंखला र कुर्बान, टेबल नम्बर २१ जस्ता चलचित्रमा देखिएका थिए । उनी केही समयदेखि पर्दाबाट टाढा रहेका छन् ।
