बेइजिङ । हेनान प्रान्तमा नयाँ कोरोनाभाइरस सङ्क्रमण तीव्ररूपमा बढेपछि मध्य चीनका धेरै शहरले कडा प्रतिबन्धको सहारा लिएका छन्।
चीनमा अत्यधिक सङ्क्रामक ओमिक्रोन भेरिएन्टका कुनै पनि मामिला अहिलेसम्म रिपोर्ट गरिएको छैन । विश्वका धेरै स्थानको तुलनामा चीनमा कोभिडका मामिला थोरै देखिएको भए पनि चीनको राष्ट्रिय नीतिका रुपमा धेरै शहरले क्लस्टरहरु देखा पर्नसक्ने भन्दै नयाँ सीमा लगाएका छन् ।
दश लाख बासिन्दा रहेको हेनानको काउन्टी गुशीले मानिसहरूलाई शहर छोड्न र अरूलाई आउनबाट रोक लगाएको छ। युझाउ शहरमा १० लाख बासिन्दा पहिले नै लकडाउनमा छन् र केही क्षेत्रका मानिस आफ्नो घर छोड्न असमर्थ छन्।
जुचाङ शहरले आफ्ना ४० लाखभन्दा बढी बासिन्दाहरुमा ठूलो मात्रामा परीक्षण सुरु गरेको छ । आधिकारिक आँकडाअनुसार हेनानले बुधबार लक्षणहरुका साथ स्थानीयस्तरमा ६४ वटा मामिला पुष्टि भएको बताएको छ जुन अघिल्लो यो सङ्ख्या चार थियो ।