हेटौंडा । बागमती प्रदेश कांग्रेस संसदीय दलको बैठक जारी रहेको छ ।
निर्धारित समयभन्दा डेढ घण्डा ढिलो गरी सुरू भएको बैठकमा मुख्यमन्त्रीसमेत रहेका दलका नेता बहादुर सिंह लामाविरूद्धको अविश्वासको प्रस्तावका बारेमा छलफल भईरहेको छ ।
बैठकमा कांग्रेसको केन्द्रबाट पठाइएका प्रतिनिधि राजन केसीको समेत उपस्थिति रहेको छ । बैठकको सुरुमा केन्द्रीय प्रतिनिधि पठाइएको पठाइएको पत्र पढेर सुनाइएको थियो ।
त्यसपछि संसदीय दलका नेता तथा मुख्यमन्त्री लामाविरुद्ध दर्ता गरिएको अविश्वास प्रस्ताव पढेर सुनाइएको छ । बैठकमा उक्त प्रस्तावको पक्ष र र विपक्षमा मतविभाजन गरी निष्कर्ष निकालिने छ ।
यसअघि ९ साउनमा इन्द्रबहादुर बानियाँसहित २१ जना बहुमत सांसदले हेटौंडास्थित प्रदेशसभा सचिवालयमा रहेको कांग्रेस संसदीय दलको कार्यालयमा लामाविरुद्ध अविश्वासको प्रस्ताव दर्ता गराएका थिए । २१ जनामध्ये सांसद माया श्रेष्ठ र मिना पराजुलीले भने अविश्वासको प्रस्ताव फिर्ता लिएका छन् ।
बागमतीमा कांग्रेस सांसद ३७ जना रहेका छन् । जसमा संसदीय दलको नेता हुन १९ जनाको समर्थन जुटाउन आवश्यक छ ।
