काठमाडौं । प्रधानमन्त्री केपी शर्मा ओलीको भारत भ्रमणको मिति अन्ततः तय भएको छ ।
प्रधानमन्त्री ओलीले सेप्टेम्वर १६ र १७ अर्थात भदौ ३१ र असोज १ गरी दुई दिने भारत भ्रमण गर्न लाग्नु भएको हो । प्रधानमन्त्री ओली प्रधानमन्त्री भएको एक वर्षपछि मात्र भारतले भ्रमणको निम्तो दिएको हो । यस भ्रमणमा ठूला एजेन्डाहरुमा छलफल र समझदारी हुने सम्भावना कम रहे पनि राजनीतिक स्तरमा यस भ्रमणको ठूलो महत्व रहेको छ ।
चीनको यसअघि नै भ्रमण गरे पनि भारतीय पक्षले प्रधानमन्त्री ओलीलाइ निमन्त्रण नगरेको र कुटनीतिक मामिलामा नेपाल कमजोर अवस्थामा रहेको भन्दै विचार विमर्श हुने गरेको थियो ।
परराष्ट्र मन्त्रालय स्रोतका अनुसार नोभेम्बर महिनामा भारतीय प्रधानमन्त्री नरेन्द्र मोदीको नेपाल भ्रमणको तयारी भै रहेको छ । मोदीले पूर्वी नेपालका शक्तिपीठहरूको दर्शन, अवलोकन गर्ने सम्भावना रहेको बताइन्छ ।
