दक्षिण अफ्रिकामा एउटा ३५ वर्षकाे माकाेकु नामकाे गाेरिल्लाकाे सिटी स्क्यान गरिएकाे छ । नाकभित्र मासु पलाएर श्वास फेर्न कठिन भएपछि चिकित्सकहरूले माकाकुकाे सिटी स्क्यान गरेकाे अन्तरार्ष्टिय समाचार संस्था एएफपीले जनाएकाे छ ।
जाेहानेसबर्ग चिडियाखानाबाट याे भाले गाेरिल्लालाइ बेहाेस बनाएपछि हेलिकप्टरमा राखेर प्रिटाेरियास्थित वाेन्डरस्टेपूट भेटनरी एकेडेमी अस्पताल ल्याइएकाे थियाे ।
करिब २१० केजीकाे यस विशाल जनावरकाे सिटी स्क्यान गर्न करिब ४० माइल टाढाकाे अस्पताल लैजानु परेकाे थियाे । याे अस्पतालमा मात्र भारी जीवजन्तुकाे सिटी स्क्यान गर्ने व्यवस्था छ ।
स्क्यान गर्नेक्रममा याे बेहाेस गाेरिल्लालाइ उचाल्न पाँच जना चाहिएकाे थियाे ।
जाेहानेसबर्ग चिडियाखानाका कर्मचारीले यसअघि उपचार गर्दा पनि गाेरिल्लाकाे नाककाे समस्या सुल्झाउन सकेका थिएनन् । गाेरिल्लाकाे सम्पूर्ण शारीरिक परीक्षणपछि चिकित्सकहरूले उपयुक्त उपचारविधि सिफारिस गरिने अस्पतालले जनाएकाे छ ।
जाेहानेसबर्ग चिडियाखानाका प्रवक्ता जेन्नी मूड्लीले गाेरिल्लाकाे नाकमा मासु पलाएकाे पाइएकाे र त्यसैका कारण गाेरिल्ला बिरामी परेकाे जानकारी दिइन् । (एजेन्सी)
तस्वीरहरूः एएफपी
