![](https://newspolar.com/wp-content/uploads/2022/03/oli_ySCFJXetVn.png)
काठमाडौँ । नेकपा (एमाले) का अध्यक्ष केपी शर्मा ओलीले राष्ट्रियसभाको निर्वाचनमा आफ्नो पार्टीका लागि प्रतिकूल परिणाम आउनसक्ने बताउनुभएको छ । पार्टीको देशव्यापी जिल्ला अधिवेशनको भर्चुअल उद्घाटन गर्दै उहाँले प्रतिकूल परिणाम जनमतको दुरुपयोग भएको बताउनुभयो ।
उहाँले आजको जनमत कुनै यथार्थ जनमत नहुने भन्दै राष्ट्रियसभा निर्वाचन एमालेमाथि अन्तिम प्रहार हुने बताउनुभयो । उहाँले सकारात्मक परिणाम आएन भनेर नआत्तिन कार्यकर्तालाई आग्रह गर्दै भन्नुभयो, “त्यो हिजोको जनमतको हो, यसको दुरुपयोग भएको छ ।”
उहाँले दुई जना मान्छे तल पार्दा एमालेका मानिस हार्ने भए पनि अहिले पनि अरु पार्टीभन्दा एमाले मजबुत भएको बताउनुभयो । ताजा जनादेशमा जाँदा अन्य पार्टीसँग यस्तो हैसियत नहुने उहाँको भनाइ थियो ।
आगामी माघ १२ गते रिक्त १९ सिटका लागि राष्ट्रियसभा सदस्यको निर्वाचन हुँदैछ । निर्वाचनका लागि सत्तारुढ गठबन्धन मिलेर उम्मेदवारी दिएका छन् भने एमालेले एक्लै ती सिटका लागि उमेद्वारी दिएको छ ।