वासिङ्टन । मङ्गल ग्रह र चन्द्रमामा बस्ती स्थापना गर्ने योजनामा रहेका मानिसलाई वैज्ञानिकहरूको टोलीले ठूलो धक्का दिएको छ । वैज्ञानिकहरूका अनुसार यदि कुनै व्यक्ति अर्को ग्रहमा गएर त्यहाँ बस्यो भने ऊ चाँडै नै अन्धो बन्न सक्छ । अहिले अन्तरिक्षमा जाने वैज्ञानिकहरूले पृथ्वीमा आएपछि चस्मा दिन माग गरेको उनीहरुको भनाइ छ । शोधकर्ताहरुले अहिले मानव मस्तिष्क र आँखामा गुरुत्वाकर्षणको प्रभावको अनुसन्धान गरेका छन्।
यस अनुसन्धानपछि वैज्ञानिकहरुमा अब अन्तरिक्षमा भविष्यमा हुने कुनै बस्तीमा मानिसले आँखा नदेखेर बस्नु पर्ने हुनसक्ने डर छ । वैज्ञानिकहरूले क्ब्ल्क् सिन्ड्रोमको अनुसन्धान गरेका छन् र अन्तरिक्षमा गएपछि र आगमनपछि मस्तिष्क स्क्यानहरूको तुलना गरेका छन्। अन्तरिक्ष यात्रीहरू जति लामो समयसम्म अन्तरिक्षमा बस्छन्, त्यति नै उनीहरूले पृथ्वीमा आएपछि धमिलो प्रकाश र आँखाको समस्यासँग जुध्नुपर्ने उनीहरुको दाबी छ ।
मङ्गल मानिसका लागि सबैभन्दा बढी बस्नयोग्य ग्रह
अमेरिकाको मेडिकल युनिभर्सिटी अफ साउथ क्यारोलिनाका वैज्ञानिक मार्क रोजेनबर्गले भने, “उनीहरूलाई यो पक्षको बारेमा तब थाहा भयो जब अन्तरिक्ष यात्रीहरूले अन्तरिक्षमा जाँदा अतिरिक्त जोडी चश्मा बोक्न थाले। उनीहरूलाई थाहा छ कि तिनीहरू त्यहाँ हुँदा तिनीहरूको आँखा खराब हुनेछ।” यसअघि नासाका पूर्व प्रमुख डाक्टर जिम ग्रीनले मङ्गल ग्रहमा मानिस बस्न सक्ने बताएका थिए । यद्यपि यसका लागि उनीहरूले रातो ग्रह वरिपरि चुम्बकीय बल क्षेत्र बनाउनु पर्नेछ ।
हाम्रो सौर्यमण्डलका सबै ग्रहमध्ये मङ्गल ग्रह मानिसका लागि सबैभन्दा बढी बस्न योग्य रहेको जिमले बताए । यसअघि वैज्ञानिकहरूले मङ्गल ग्रहमा बस्ने मानिस चाँडै बूढो हुने बताएका थिए । यति मात्र होइन खेतीपातीको योजना असफल भयो भने मानिस नरभक्षी बन्न सक्छ । यो खबर यस्तो बेला आएको छ जतिबेला अर्बपति एलोन मस्कको कम्पनी स्पेसएक्सले सन् २०२६ सम्ममा मङ्गल ग्रहमा मानिस पठाउन चाहेको छ। मङ्गल ग्रहमा मानव जीवन कसरी टिकाउने भनेर पत्ता लगाउन खोजिरहेका वैज्ञानिकहरूका लागि चुनौतीपूर्ण बन्दै गएको छ।
