नेपाली बघिनीको प्रेममा भारतको बाघले आठ महिनाको पोथी डमरुलाई मारेको छ । सो डमरु दुवैको समागममा बाधक बनिरहेको थियो । यसकारण बाघले नै उसलाई आफ्नो बाटोबाट हटायो । यो घटना बिहारको वाल्मीकि टाइगर रिजर्वको हो। त्यहाँ बुधबार ८ महिनाको डमरुको शव फेला परेको थियो । अचानक डमरुको मृत्यु भएपछि वन विभाग सचेत भएको थियो । वन विभागले टोली गठन गरी मृत्युको कारणबारे अनुसन्धान सुरु गरेको छ । कलेश्वर मन्दिरको कम्पाउण्ड नम्बर टी १ मा डमरुको मृत्यु भएको थाहा भयो । यो सोन्हा नदीको किनारमा अवस्थित छ। सोन्हा नदीले नेपाल र भारतको सिमानालाई छुट्याएको छ ।
जनवरी ३ र ४ मा यस क्षेत्रमा बघिनी देखेको वन संरक्षक हेमकान्त रायले बताए । मिलाउँदा सो बघिनी नेपालकै भएको थाहा भयो । त्यही क्रममा बाघ पनि देखियो । सो बाघ भारतको हो । यसमा पहिले पनि चिह्न लगाइएको छ।
हेमकान्त रायका अनुसार बाघ र बघिनीले सम्भोग गर्न खोजेका थिए । यसमा डमरु बाधक बनिरहेको थियो । त्यही भएर बाघले डमरु मारेको हो । डमरुको उमेर करिब ८ महिना थियो । उसको दूधे दाँत पनि झरेको थिएन । बघिनीको पद मार्ग नेपालतर्फ गइरहेको देखिएको छ । पछिल्लो गणनाअनुसार अब वाल्मीकि टाइगर रिजर्वमा ४३ वयस्क र सात डमरु बाँकी छन्।
