काठमाडौँ । १२ औं संस्करणको इन्डीयन आइडल विजेता पवनदीप राजन नेपाल आउने भएका छन् ।
आगामी माघ १ गते ठमेलस्थित ‘एलओडी’ क्लबमा हुने कार्यक्रमका लागि उनी नेपाल आउन लागेका हुन् ।
अनुसार अंग्रेजी वर्षको सुरुवातीमा इन्डियन आइडल पवनदीप ल्याएर नेपाली दर्शकलाई मनोरञ्जन दिन लागिएको एलओडीका निर्देशक रविन श्रेष्ठले जानकारी दिए।
कोभिडले थलिएको ठमेललाई सांगीतिक माहोलले तताउन आफूहरूले इन्डियन आइडल पवनदीपलाई ल्याउन लागेको उनले बताए ।
पवनदीपले क्लबका पारखीलाई गीत गाएर चिसिएको काठमाडौँलाई नचाएर तताउने आयोजकको विश्वास छ ।
राजनले ‘जलजला हिमालमा’ बोलको गीत गाएर नेपाली दर्शकमाझ पनि परिचित भएका थिए ।
