काठमाडौं । भारतको उत्तराखण्डबाट ३५ जना नेपाली युवाहरूको उद्धार गरिएको छ ।
परराष्ट्रमन्त्रालयका अनुसार उत्तराखण्ड राज्यको काशिपुरमा विभिन्न जिल्लाबाट आएका नेपाली युवाहरूलाई बन्दी बनाएर कुटपिट र यातना दिदै बिभिन्न शिर्षकमा रकम असुल गरेको जानकारी आएपछि भारत स्थित नेपाल दूतावास, उत्तराखण्ड प्रहरी र सामाजिक संस्था ‘किन इन्डिया’ को सहयोगमा उनिहरुको उद्धार गरिएको हो ।
उद्धार गरिएका सबै व्यक्तिहरूलाई सुरक्षित स्थानमा राखेर आवश्यक स्वास्थ्य परीक्षण र खानपानको व्यवस्था गरिएको छ। साथै, उनीहरूको कानूनी प्रक्रिया सम्पन्न भएपछि नेपाल पठाउने तयारी भइरहेको दूताबासले जनाएको छ ।
नेपाली राजदूतावास, नयाँ दिल्लीले नेपाली नागरिकलाई विदेशमा रोजगारको क्रममा सचेत रहन र कुनै पनि अवैधानिक गतिविधिमा संलग्न नहुन आग्रह गरेको छ।
