काठमाडौँ । नेपाली काँग्रेसका सांसद दीपक गिरीले समितिबाट सर्वसम्मत रुपमा आएको निजामति ऐन जस्ताको त्यस्तै सदनबाट पनि पारित हुनुपर्ने बताउनुभएको छ ।
बिहीवार संसद भवन परिसरमा सञ्चारकर्मीहरुसँग कुरा गर्दै उहाँले यस्तो बताउनुभएको हो । उहाँले सरकारलाई सुधार गर्नुपर्ने थियो भने समितिमा रहँदै गर्न सकिने तर अब संसदमा पुगिसकेपछि जस्ताको त्यस्तै पास हुनुपर्ने बताउनु भयो । सरकारले अति गरेको खण्डमा काँग्रेसले सरकारको बारेमा पनि सोच्नसक्ने चेतावनी दिनुभयो । यस्तै भइरहे सरकारको बारेमा सोच्न नेतृत्वलाई घच्घच्याउने बताउनु भयो ।
उहाँले भन्नुभयो, ‘यो भन्दा अति केही पनि हुँदैन, गभर्मेण्टको असक्षमता हो । सरकारलाई वा प्रधानमन्त्रीजीलाई केही सुधार गर्नुपर्ने थियो भने समितिमा हुँदै गर्नुपर्दथ्यो । एकमत भएर आवाज आइसकेपछि सदनमा गइसकेपछि सदनको कार्यपुस्तिकामा आइसकेपछि यो नयाँ कुरा आयो । यो भन्दा अति केही पनि हुँदैन । यसले न सरकारलाई फाइदा गर्छ, सरकार आफैँ कमजोर हुँदैछ ।
यो भन्दा अति केही पनि हुँदैन । दुई वर्षको कुलिङ राख्नुपर्छ । छिटो भन्दा छिटो सदनमा विधेयक प्रश्तुत गरेर यो पास हुनुपर्छ । सरकारले ज्यादती गर्छ भने सरकार हुँदा पनि हामी औंला ठड्याउँछौँ । बजेट पनि बढो नाटकीय ढंगको छ । दाङको एयरपोर्ट जनतालाई खाँचो छ । सरकारको अत्याचार बढ्दै गयो भने सरकारको बारेमा पनि सोच्न बाध्य हुन्छौँ । नेतृत्वलाई घच्घच्याउँछौँ ।’
सांसद गिरीले कतिपय कुरा लोकतान्त्रिक पार्टीले सहनुपर्छ भनेर मात्रै सहेको बताउँदै अब धेरै सहन नसक्ने जिकिर गर्नुभयो । सभामुख पनि राम्रो ढंगले चल्नुपर्ने बताउनु भयो ।
