काठमाडौं। स्कटल्यान्डमा सुरु भएको त्रिदेशीय ट्वान्टी–२० शृंखलाको पहिलो खेलमा नेपालले नेदरल्यान्ड्सविरुद्ध पहिला फिल्डिङ गर्ने निर्णय गरेको छ। कप्तान रोहितकुमार पौडेलले टस जितेर बलिङ रोजेका हुन्।
यो नेपालका लागि टी–२० अन्तर्राष्ट्रियको १००औँ खेल हो। शृंखलामा नेपाल, स्कटल्यान्ड र नेदरल्यान्ड्स सहभागी छन्। नेपालका दुई मुख्य अलराउन्डर सोमपाल कामी र गुल्सनकुमार झा घाइते हुँदा टोलीबाहिर छन्।
शृंखलामा नेपालका दुई अलराउन्डर सोमपाल कामी र गुल्सनकुमार झा हुने छैनन् । यी दुवै खेलाडी यसअघि आईसीसी विश्वकप क्रिकेट लिग–२ अन्तर्गतको त्रिदेशीय शृंखला खेल्ने क्रममा घाइते भएका थिए । यी दुवै खेलाडीले जारी शृंखला गुमाउने नेपाल क्रिकेट संघ (क्यान)ले जनाएको छ ।
