काठमाडौं। निजी क्षेत्रको पहिलो समाचार सेवा प्रदायक संस्था न्युज एजेन्सी नेपाल (नान) १२ औ बर्षमा प्रवेश गरेको छ । १२ औँ बार्षिक उत्सवका अबसरमा एजेन्सीले प्रविधिको अधिकतम प्रयोग गरी समाचार सेवालाई अझ प्रभावकारी बनाउने लक्ष्य लिएको जनाएको छ ।
अध्यक्ष प्रधान सम्पादक कृष्णा पौडेल पत्रकारिताको सिद्धान्त र नैतिकतालाई शिरोपर गर्दै सोही अनुसार काम गर्ने प्रतिबद्धता जनाउनु भयो । उहाँले विश्वसनीयता र तटस्थता नै आफुहरुको प्रतिवद्धता रहेको उल्लेख गर्दे
स्थापनाकालदेखि नै न्युज एजेन्सी नेपालले विश्वसनीय, सन्तुलित र तटस्थ समाचार सम्प्रेषणलाई आफ्नो मूल धर्म मान्दै आएको छ। हामी कुनैपनि पूर्वाग्रहबिना तथ्यमा आधारित सूचना प्रवाह गर्न कटिवद्ध रहेको जनाउनु भएको छ । उहाँले भन्नुभयो सूचनाको यो महासागरमा सत्यको खोजी र निष्पक्षताको पत्रकारिता आजको आवश्यकता हो भन्ने कुरामा हामी विश्वस्त छौं र यसलाई हामीले कहिल्यै बिर्सने छैनौँ।
एजेन्सीले अभाव र संकटमा सशक्त उपस्थिति जनाएको स्मरण गर्दे उहाँले २०७२ सालको विनाशकारी भूकम्प वा कोभिड-१९ महामारीको अभाव र संकटका घडीमा न्युज एजेन्सी नेपालले अग्रपंक्तिमा रहेर सत्यतथ्य सूचना सम्प्रेषण गर्दै जनचेतना जगाउने र समाजलाई सही दिशामा डोर्याउने भुमिका निर्वाह गरेको जनाउनु भयो ।
उहाँले आगामी योजना र प्रतिवद्धता अनुसार न्युज एजेन्सी नेपालले समयको परिवर्तनसँगै आफूलाई अद्यावधिक गर्दै प्रविधिको अधिकतम प्रयोग गरी समाचार सेवालाई अझ प्रभावकारी बनाउने लक्ष्य लिएको जानकारी गराउनुभयो । डिजिटल प्लेटफर्महरूमा आफ्नो पहुँच विस्तार गर्दै, नवीनतम प्रविधि अपनाएर सूचना प्रवाहलाई थप द्रुत र व्यापक बनाउने प्रतिबद्धता पनि उहाँले जनाउनु भएको छ ।
