काठमाडौँ । विश्व टेस्ट च्याम्पियनसिप (डब्लुटिसी)को फाइनल खेल दक्षिण अफ्रिका र अष्ट्रेलियाबीच लन्डनमा भइरहेको छ ।
खेलको तेस्रो दिनको सत्र आज (शुक्रबार) दिउँसो सवा ३ बजे सुरु हुनेछ । डिफेन्डिङ च्याम्पियन अस्ट्रेलियाले दक्षिण अफ्रिकाविरुद्ध २१८ रनको अग्रता लिएको छ ल। अस्ट्रेलियाले पहिलो इनिङमा ७४ रनको अग्रता लिएको थियो । दोस्रो इनिङमा ८ विकेट गुमाएर टोलीले १४४ रन बनाएको छ ।
एलेक्स केरी र मिचेल स्टार्कले आठौं विकेटको लागि ५० रन बनाए । केरी ४३ रन बनाएर आउट भए । स्टार्कले आज नाथन लियोनसँग मिलेर टोलीको इनिङ अगाडि बढाउनेछन् ।
अष्ट्रेलियाले पहिलो इनिङमा २१२ रन बनाएको थियो भने दक्षिण अफ्रिकाले १३८ रन बनाएको थियो । अष्ट्रेलियाले पहिलो इनिङमा ७४ रनको अग्रता लिएको थियो ।
खेलको दोस्रो दिन बिहीबार दक्षिण अफ्रिकाले आफ्नो पहिलो इनिङमा केवल १३८ रन मात्र बनायो । डेभिड बेडिंगहमले ४५ रन बनाए । अष्ट्रेलियाका कप्तान प्याट कमिन्सले ६ विकेट लिए ।
अस्ट्रेलियाले दोस्रो दिन आफ्नो दोस्रो इनिङ सुरु गर्यो । टोलीले ७३ रनमा ७ विकेट गुमायो । यहाँबाट एलेक्स केरी र मिचेल स्टार्कले साझेदारी गर्दै टोलीलाई १४४ रनमा पुर्याए । टोलीसँग अझै २ विकेट बाँकी छन् ।
बुधबार लर्ड्स स्टेडियममा दक्षिण अफ्रिकाले बलिङ गर्ने निर्णय गर्यो । अस्ट्रेलियाले २१२ रनमा १० विकेट गुमायो । ब्यू वेबस्टरले ७२ र स्टिभ स्मिथले ६६ रन बनाए । कागिसो रबाडाले ५ विकेट लिए । दक्षिण अफ्रिकाले पनि आफ्नो इनिङ सुरु गर्यो, तर ४३ रनमा ४ विकेट गुमायो ।
