काठमाडौं । नेकपा एमाले निकट अनेरास्ववियुको नयाँ नेतृत्वका लागि अध्यक्षमा दुई र महासचिवमा तीन जनाबीच प्रतिस्पर्धा हुने भएको छ । सर्वसम्मत नेतृत्व चयनको प्रयास असफल भएपछि निर्वाचन गर्न लागिएको हो । गएराति उम्मेदवारी दर्तासमेत भइसकेको छ ।
अनेरास्ववियुको अध्यक्षमा डा. सुजन कडरिया र प्रकाश पौडेलले उम्मेदवारी दर्ता गरेका छन् । उपाध्यक्षमा ८ जनाको उम्मेदवारी परेको छ ।
खुल्ला उपाध्यक्षमा भरत धामी लिपुलेक, राजकुमार ढकाल, विकास श्रेष्ठ, धमेन्द्र केसी र रोहित बमको उम्मेदवारी परेको छ । त्यस्तै महिला उपाध्यक्षमा अञ्जना सिवाकोटी, आरती भट्टराई, सुनिता धिताल र भवानी बजगाईँको उम्मेदवारी छ ।
महासचिवमा दीपक धामी, आरके रोमस, र सुनिल कँडेलको उम्मेदवारी परेको छ । उपमहासचिवमा कमल जोशी, अमर शाही, र प्रेमिका शाहीको उम्मेदवारी परेको छ भने सचिवमा तीन दर्जन बढी उम्मेदवार छन् ।
रक्षा बम, मनोज राई, अनुप लामिछाने, रेखा न्यौपाने, नीरज पौडेल, धर्मराज तिमिल्सेना, स्मृति बराल, मदन भण्डारी राजेश ओली लगायत करिब ४० जनाको सचिव पदमा उम्मेदवारी परेको छ ।
मतदान बिहान १० बजेदेखि ५ बजेसम्म हुने छ ।
