काठमाडौँ । नेपाली कांग्रेसले भिजिट भिसा प्रकरणमा गृहमन्त्री रमेश लेखक निर्दोष रहेको ठहर गरेको छ ।
सोमबार बसेको पदाधिकारी बैठकले गृहमन्त्री लेखक अनियमिततामा संलग्न नभएको निष्कर्ष निकालेको प्रवक्ता प्रकाशशरण महतले जानकारी दिए ।
बैठकपछि सञ्चारकर्मीसँग बोल्दै उनले भने, ‘उहाँ संलग्न हुनुहुन्न भन्ने कुरामा हामी विश्वस्त छौँ । जो संलग्न छन् तिनलाई कारबाही हुनुपर्छ। निष्पक्ष छानबिन हुनुपर्छ ।’
यस्तै, प्रवक्ता डा महतले शेखर कोइरालालगायतका केही नेताले कुरै नबुझी गृहमन्त्रीको राजीनामा माग गरेकोमा कांग्रेस बैठकमा आलोचना भएकोबताए । अब नेताहरूले वास्तविकता बुझेकाले त्यस्ता अभिव्यक्ति नआउने उनको भनाई छ।
