काठमाडौँ । गृह मन्त्रालयले २ प्रहरी नायब महानिरिक्षक (डिआइजी) लाई एआइजीमा वढुवा गरेको छ । गृह सचिव महेश्वर न्यौपानेको अध्यक्षतामा बसेको बढुवा सिफारिस समितिले दुई डिआइजीलाई एआइजीमा बढुवा सिफारिस गरेको हो ।
मन्त्रालयले डिआइजी प्रधुम्न कार्की र निरज शाहीलाई प्रहरी अतिरिक्त महानिरिक्षक (एआइजी) बढुवामा सिफारिस गरेको छ ।
सेवा अवधी समाप्त भएको कारण एआइजी तारिणी प्रसाद लम्साल पनि अवकाश प्राप्त गरेपछि एआइजीको दुई पद रिक्त अवस्थामा रहेका थिए । नेपाल प्रहरीको नयाँ आइजिपीका रुपमा शैलेश थापा क्षेत्री नियुक्त भएपछि २ एआइजीको पद रिक्त अवस्थामा रहेको थियो ।
