नयाँ दिल्ली । भारतमा सोमबार एक लाख ७९ हजार ७२३ मा कोभिड–१९ सङ्क्रमण भएको छ । यो सँगै भारतमा सक्रिय कोरोना सङ्क्रमितको सङ्ख्या सात लाख २३ हजार ६१९ पुगेको छ । भारतमा अघिल्लो दिनको तुलनामा सोमबार १३.२९ प्रतिशतले कोरोनाका नयाँ सङ्क्रमित थपिएका छन् । पछिल्लो २४ घण्टामा त्यहाँ १४६ जनाको मृत्यु भएको छ ।
यस बीचमा कोरोनाको नयाँ भेरिएन्ट ओमिक्रोनका चार हजार ३३ केस देखिएका छन् र सबैभन्दा धेरै महाराष्ट्रमा एक हजार २१६ मा ओमिक्रोन सङ्क्रमण भएको छ ।
भारतले सोमबारदेखि स्वास्थ्यकर्मी र फ्रन्टलाइन कामदार र ६० वर्ष उमेर पार गरेकालाई तेस्रो ‘सावधानी डोज’ खोप दिन थालेको छ । केन्द्रको निर्देशनअनुसार तेस्रो डोज पहिलो दुईवटा खोपको जस्तै हुनेछ र नौ महिनाअघि खोप लगाएकाहरूलाई दिइनेछ।
इन्डियन एक्सप्रेसका अनुसार महामारीको तेस्रो लहर भारतमा मार्च महिनाको मध्यसम्ममा कम हुने सम्भावना रहेको कानपुरका प्रोफेसर मनिन्द्र अग्रवाललले बताएका छन्
