इस्लामाबाद । पाकिस्तानले अन्तर्राष्ट्रिय मुद्रा कोष (आइएमएफ) लाई जनवरीको अन्त्यसम्म देशको छैटौँ समीक्षालाई विचार गर्नका लागि बोर्ड बैठक ढिलाइ गर्न आग्रह गरेको त्यहाँको वित्त मन्त्रालयले सोमबार बताएको छ ।
जनवरी १२ मा पाकिस्तानको छ अर्ब डलरको तीन वर्षको कार्यक्रमबाट एक अर्ब डलर जारी गर्ने सिफारिसको समीक्षा गर्नक लागि बैठक बस्दैछ ।
यद्यपि पाकिस्तान अहिलेसम्म कोषको रिलिजसँग सम्बन्धित वित्तीय कडाईका उपायहरू पारित गर्न असमर्थ भएको छ।
“वैधानिक प्रक्रियाहरू पूरा हुने बित्तिकै आइएमएफ बोर्डले यसलाई स्वीकृतिको लागि विचार गर्नेछ”, मध्य वर्षको बजेटलाई उद्धृत वित्त मन्त्रालयले भन्यो । मध्य वर्षमा आउने बजेटले धेरै शुल्क छुट घटाउने र नयाँ राजस्व उपाय प्रस्तुत गर्ने मन्त्रालयको भनाइ छ ।
यो कानून गत महिनाको अन्त्यमा संसद्मा पेश गरिएको थियो तर बढ्दो मुद्रास्फीति र फराकिलो चालु खाता घाटाको बीचमा विपक्षीहरूको कडा प्रतिरोधको सामना गरेको छ।
गत हप्ता सरकारले यो महिनाको अन्त्यमा बजेट पारित गर्नेमा विश्वस्त रहेको बताएको थियो।
