एजेन्सी । चौध वर्षीय युवाले ३५ बलमा गरेको आइपिएल (इन्डियन प्रिमियर लिग) शतकले ब्याटिङ रेकर्ड तोडेपछि मङ्गलबार किशोर वैभव सूर्यवंशीलाई ‘भारतीय क्रिकेटको अर्को सुपरस्टार’ का रूपमा हेरिएको छ ।
बायाँ हाते ओपनर सूर्यवंशी सोमबार राजस्थान रोयल्सको गुजरात टाइटन्समाथि आठ विकेटको शानदार जितमा टी–२० शतक प्रहार गर्ने सबैभन्दा कान्छो खेलाडी बने। “यो सपना जस्तै हो”, उनले भने ।
सन् २०१३ मा क्रिस गेलको ३० बलको शतकपछि दोस्रो स्थानमा रहेका सूर्यवंशीले आफ्नो तेस्रो आइपिएल म्याचमा प्रतिस्पर्धाको इतिहासमा दोस्रो सबैभन्दा छिटो शतक बनाएका थियो ।
तेर्ह वर्षको उमेरमा नोभेम्बरको लिलामीमा बोली लगाउने युद्धपछि राजस्थानले एक लाख ३० हजार पाँच सय डलरमा किनेपछि हेडलाइन्स बनेका सूर्यवंशी अनुभवी प्रतिद्वन्द्वीहरूको सामना गर्न निडर भएका छन् । उनले यस महिनाको सुरुमा आइपिएलमा आफ्नो पहिलो बल अनुभवी भारतीय तीब्र गतिका बलर शार्दुल ठाकुरबाट छक्का प्रहार गरेर आफ्नो डेब्युको सुरुवात गरेका थिए । डेब्यू खेलम उनले २० बलमा ३४ रन बनाएका थिए ।
नौ दिनपछि जयपुरमा सूर्यवंशीले भारतका मोहम्मद सिराज, इशान्त शर्मा र वासिङ्टन सुन्दर समावेश भएको बलिङ आक्रमणलाई ध्वस्त पारे ।
“वैभवको निडर दृष्टिकोण, ब्याटको गति, लम्बाइ चाँडै पहिचान गर्ने र बलको पछाडि ऊर्जा स्थानान्तरण गर्ने शानदार पारीको पछाडिको रेसिपी थियो”, भारतीय क्रिकेट आइकन सचिन तेन्दुलकरले सामाजिक सञ्जालमा लेखेका छन, “राम्रो खेल !”
सूर्यवंशीले आफ्नो १७ बलमा अर्धशतक बनाउने क्रममा अनुभवी द्रुत गतिका बलर शर्माको एक ओभरमा २८ रन बनाएका थिए। त्यसपछि उनले अफगानिस्तानका तीव्र गतिका बलर करिम जनतलाई भुल्न नसक्ने डेब्यु दिए । जनतको पहिलो आइपिएल ओभरमा तीन छक्का र तीन चौका सहित ३० रन बनाए ।
खुट्टा भाँच्चिएका राजस्थानका प्रमुख प्रशिक्षक राहुल द्रविडले सूर्यवंशीले अफगानिस्तानका स्पिन जादुगर राशिद खानबाट छक्का प्रहार गरेर शतक पूरा गर्दा आफ्नो ह्वीलचेयरबाट उठेर उत्सव मनाएका थिए ।
“के तपाईंले यस्तो केही कहिल्यै देख्नुभएको छ ?” अस्ट्रेलियाका पूर्व एक दिवसीय क्याप्टेन आरोन फिन्चले सामाजिक सञ्जालमामा पोस्ट गरेका छन, “कस्तो प्रतिभा!”
यस्तै, भारतका सन् १९८३ को विश्वकप विजेता ब्याट्सम्यान क्रिस श्रीकान्तले किशोरको ‘कम्पोजर, क्लास र साहस’ को प्रशंसा गर्दै ‘भारतीय क्रिकेटको अर्को सुपरस्टार यहाँ छ’ भनेका छन् ।
भारतका टी–२० कप्तान एवं मुम्बई इन्डियन्सका ब्याट्सम्यान सूर्यकुमार यादवले यो ‘इनिङ्सको नरसंहार’ र ‘बिल्कुल पागल’ भएको बताए ।
स्पिन बलिङ पनि गर्न सक्ने सूर्यवंशी भारतको सबैभन्दा गरिब राज्य बिहारबाट आएका हुन्। उनले सन् २०२४ जनवरीमा केवल १२ वर्षको उमेरमा रणजी ट्रफीमा आफ्नो घरेलु डेब्यु गरेका थिए ।
त्यसपछि भ्रमणमा रहेको अस्ट्रेलिया टोलीविरुद्ध भारतको अन्डर–१९ टोलीमा छनोट भएका थिए । उनले सन् २००५ मा इङ्ग्ल्यान्डका मोइन अलीपछि उनी युवा टेस्टहरूमा दोस्रो सबैभन्दा छिटो ५८ बलमा शतक बनाउन सफल भए।
