काठमाडौँ । लखनऊ सुपर जायन्ट्सका कप्तान ऋषभ पन्तलाई स्लो ओभर रेटको कारण २४ लाख रुपैयाँ जरिवाना गरिएको छ ।
यसका साथै, प्लेइङ एघारमा समावेश गरिएका खेलाडीहरू, जसमा प्रभावशाली खेलाडी पनि समावेश छन्, उनीहरुले पनि ६ लाख रुपैयाँ वा उनीहरूको म्याच शुल्कको २५ प्रतिशत जरिवाना तिर्नुपर्नेछ ।
२७ अप्रिलमा मुम्बईमा भएको मुम्बई इन्डियन्स र लखनऊ सुपर जायन्ट्सबीचको खेलमा निर्धारित समयमा पूरा ओभर बलिङ नगरेकोमा लखनऊलाई यो जरिवाना लगाइएको हो । लखनउको यो सिजनमा दोस्रो सबैभन्दा ढिलो ओभर रेट छ ।
लखनउले १० खेलमा ५ जित र ५ हार बेहोरेको छ । टोली १० अंकसहित छैटौं स्थानमा छ । प्लेअफमा पुग्न एलएसजीले बाँकी चारै खेल जित्नै पर्नेछ ।
