काठमाडौं । शिक्षकहरुको आन्दोलनका कारण कक्षा १२ को परीक्षा अन्योलमा परेपछि राष्ट्रिय परीक्षा बोर्डको बैठक आज बस्दै छ ।
बोर्डको बैठक बिहान ८ बजेपछि बस्दै छ ।
यही वैशाख ११ गतेदेखि कक्षा १२ को परीक्षा हुँदैछ । परीक्षाको व्यवस्थापन सञ्चालन गर्ने शिक्षकहरू सडक आन्दोलनमा भएकाले परीक्षाबारे निर्णय लिन बैठक बोलाइएको हो ।
शिक्षा ऐन जारी गर्न माग गर्दै आन्दोलित भएको शिक्षक महासंघले १२ को परीक्षामा सहभागी नहुने निर्णय गरेको छ । यसैबीचमा शिक्षामन्त्री विद्या भट्टराईले पनि राजीनामा दिएकी छन् ।
आज बस्ने बोर्डको बैठकले कक्षा १२ को परीक्षा केही दिन पर सार्ने सम्भावना रहेको छ ।
