काठमाडौं । आईएमई लाइफ इन्स्योरेन्सले ई–लोन सेवा सुरु गरेको छ । इन्स्योरेन्सका अध्यक्ष डा. रामहरी अर्यालले ई–लोन सेवाको सुभारम्भ गर्नुभयो ।
घरबाटै बीमित (पोलिसी होल्डर) ले ऋणको लागि आवेदन दिन र ऋण प्राप्त गर्न सक्ने सुविधा उपलब्ध गराएको इन्स्योरेन्सले जनाएको छ । यो सेवा अन्तर्गत बीमितले घरबाटै आईएमई लाइफ मोबाइल एप वा वेबसाइटका माध्यमबाट ५ हजार देखि एक लाख रुपैयाँसम्म ई–लोन को लागि आवेदन दिन सक्नेछन ।
बीमितले कम्पनीको वेबसाइट मार्फत ऋण आबेदन चौबिसै घण्टा आफुरहेको स्थानबाटै दिन सक्नेछन भने कार्यालय समय भित्र तुरुन्तै र बिदाको दिन कार्यालय समय सुरु हुने बित्तिकै सजिलै ऋण आफ्नो बैंक खातामा प्राप्त गर्न सक्नेछन । यसरी ऋण लिनको निमित्त कुनैपनी अतिरिक्त सेवा शुल्क लाग्ने छैन । ऋण सुविधा पाउनको लागि बीमितको केवाईस प्रमाणीकरण पूरा हुनुको साथै बीमा शुल्क भुक्तानी गरेको कम्तिमा ३ वर्ष पुरा भइसकेको हुनुपर्ने छ ।
कम्पनीका प्रमुख कार्यकारी अधिकृत पवन कुमार खड्काले आईएमई लाइफ ई–लोन सेवाले कम्पनीका बीमितहरूलाई सरल र सहज कर्जासेवा प्रदान गर्ने विश्वास लिएको बताउदै डिजिटाइजेसन, अटोमेसन र द्रुतसेवा दिने कम्पनीको उद्देश्यमा निरन्तरता दिदै ग्राहकसेवा र अनुभवलाई थप परिष्कृत र उत्कृष्ठ बनाउदै लैजाने प्रयासको निरन्तरता भएको बताए ।
आवेदन दिने, बीमितको केवाईसी प्रमाणीकरण गर्ने प्रकृया र आबेदन फारम कम्पनीको आधिकारिक वेबसाइट वा आईएमई मोबाइल एपमा प्राप्त गर्न सकिने छ ।
