काठमाडौं । नेकपा एमालेले नेपाली भूभाग लिपुलेकक्षेत्रमा भारतले सडक निर्माण गरेर कुटनीतिक मर्यादाविपरित काम गरेको जनाएको छ । एमालेले आज एक विज्ञप्ती जारी गर्दै ‘नेपाल–भारत संयुक्त आयोगको बैठकमा सीमालगायत दुई देशबीचमा थाँती रहेका विषयलाई कुटनीतिक माध्यमबाट टुङ्ग्याउने भनी गरिएको सहमति विपरीत भारतीय पक्षबाट उक्त नेपाली भूभागमा सडक सहितका संरचना निर्माणलाई तीव्रता दिएको भन्दै आपत्ति जनाएको हो ।
एमाले परराष्ट्र मामिला विभाग प्रमुख राजन भट्टराईले जारी गर्नुभएको विज्ञप्तीमा भनिएको छ ‘कालापानी, लिपुलेक र लिम्पियाधुरा क्षेत्र नेपालका अभिन्न भूभाग रहेको भन्दै बलमिच्याइ नगर्न भारतसँग आग्रह गरेको छ । एमालले एमालेले राष्ट्रियतासँग सम्बन्धित यस्तो गम्भीर विषयमा पनि वर्तमान सरकारको मौनता सन्देहास्पद रहेको भन्दै सरकारको मौनताले अनेकौं प्रश्न जन्माएको बताएको छ । बिज्ञप्तिमा भनिएको छ ‘हाम्रो पार्टी यस विषयमा भारतसँग अविलम्ब गम्भीर संवाद गर्न, सबैखाले बलमिच्याइँ रोक्न लगाउन र नेपाली भूभागमा नेपालको व्यवहारिक स्वामित्व स्थापनाका लागि सार्थक पहल गर्न सरकारसँग माग गर्दछ। ’
बिज्ञप्तिमा गत: वर्ष नै राजनीतिक–प्रशासनिक नक्सा एवं संविधान संशोधनमार्फत नेपालले यस विषयमा आफ्नो कानुनी एवं राजनीतिक अडान स्पष्ट पारिसकेको तथ्य सर्वविदितै रहेको भन्दै ती भूभागहरु फिर्ता गराउन र तिनमा नेपालको भोगचलन सुनिश्चित गर्न नेपाल सरकारले विगतमा कुटनीतिक पहल सुरु गरेको उल्लेख गरिएएको छ । एमालले नेपालको सार्वभौमसत्ता, भौगोलिक अखण्डता र स्वाभिमानमाथि आँच पुयाउने यस्ता गतिविधि तत्काल बन्द गर्न माग गरेको छ ।
एमालले सडकलगायत संरचना तत्काल रोक्न आग्रह गर्दै वार्ताको माध्यमबाट यस विषयलाई अविलम्ब टुङ्ग्याइनुपर्ने सुझाब दिएको छ । एमालेले राष्ट्रियतासँग सम्बन्धित यस्तो गम्भीर विषयमा पनि वर्तमान सरकारको मौनता सन्देहास्पद रहेको भन्दै सरकारको मौनताले अनेकौं प्रश्न जन्माएको बताएको छ । ‘हाम्रो पार्टी यस विषयमा भारतसँग अविलम्ब गम्भीर संवाद गर्न, सबैखाले बलमिच्याइँ रोक्न लगाउन र नेपाली भूभागमा नेपालको व्यवहारिक स्वामित्व स्थापनाका लागि सार्थक पहल गर्न सरकारसँग माग गर्दछ’, विज्ञप्तीमा भनिएको छ ।
