काठमाडौँ । प्रधानमन्त्री एवं नेकपा (एमाले) अध्यक्ष केपी शर्मा ओली नेकपा (एकीकृत समाजवादी)को केन्द्रीय कार्यालय आलोकनगर पुग्नुभएको छ ।
एमालेबाट अलग्गिएको नेकपा एसको कार्यालयमा प्रधानमन्त्री ओली पहिलोपटक पुग्नुभएको हो ।
लेखक तथा कूटनीतिज्ञ कमल कोइरालालाई श्रद्धाञ्जली अर्पण गर्न प्रधानमन्त्री ओली आलोकनगर पुग्नुभएको हो ।
त्यस क्रममा ओलीले नेकपा एसको कार्यालय पनि अवलोकन गर्नुभएको उहाँको निजी सचिवालयले जनाएको छ ।
गत शुक्रबार राजावादी प्रदर्शनकारीले नेकपा एसको कार्यालयमा तोडफोड र आगजनी गरेका थिए । त्यसबाट कार्यालयमा क्षति पुगेको छ ।
