काठमाडौँ । प्रधानमन्त्री केपी शर्मा ओलीले भोलिबाट मित्रराष्ट्र थाइल्याण्डको भ्रमणमा जाने संसदमा जानकारी गराएका छन् ।
प्रधानमन्त्रीले २० गतेबाट औपचारिक भ्रमण सुरु हुने र त्यहाँका प्रधानमन्त्रीसँग भेटघाट हुने जानकारी गराए ।
दुई प्रधानमन्त्रीको उपस्थितिमा ६ समझदारीमा हस्ताक्षर हुने प्रधानमन्त्रीले बताए ।
बिमस्टेक शिखर सम्मेलन सकाएर प्रधानमन्त्री ओली नेतृत्वको भ्रमण टोली चैत २३ गते स्वदेश फर्किनेछन् ।
प्रधानमन्त्री बिमस्टेक शिखर सम्मेलनमा सहभागी हुनका लागि थाइल्याण्ड जान लागेका हुन् ।
