२४ चैत्र २०८१, आईतवार
April 6, 2025 Sunday

16.27°C

काठमाडौं

16.27°C

Kathmandu

Feels-like: 15.28

Wind: 1.03

Humidity: 51

तपाईं के खोज्दै हुनुहुन्छ ?

माकलबारीमा एक लाखको विवादमा युवकको हत्या, ६ जना पक्राउ



अ+ अ-

काठमाडौँ । काठमाडौँको माकलबारीमा एक लाख लेनदेनमा विवाद हुँदा एक युवकको हत्या भएको छ ।

गोकर्णेश्वर नगरपालिका–८ स्थित माकलबारीमा संचालित आरके मोटरसाइकल वर्कसपमा १९ वर्षीय राहुल साहको हत्या गरिएको जिल्ला प्रहरी परिसर काठमाडौँका एसपी अपिल बोहराले जानकारी दिए ।

चैत ११ देखि सम्पर्कबिहीन रहेका साहको शव चैत १५ मा वर्कसप पछाडिको जमिनका गाडेको अवस्थामा फेला परेको थियो ।

हत्यामा संलग्न रहेको आरोपमा प्रहरीले वर्कसप सञ्चालकसहित ६ जनालाई पक्राउ गरेको छ । पक्राउ पर्नेमा वर्कशप सञ्चालक सर्लाही घर भएका २२ वर्षीय निप मण्डल, १८ वर्षीय बिजय यादव, १८ वर्षीय करन कुमार महतो, २३ वर्षीय जोधन मण्डल, ४५ वर्षीय उत्तम मण्डल र भारत घर भएर दक्षिणढोका बस्ने २९ वर्षीय सुनिल शर्मा छन् ।

एक लाख १० हजार रुपैयाँ लेनदेन विवादमा उनको हत्या भएको अनुसन्धानमा संलग्न एकजना अधिकृतले बताए ।

ग्यारेज सञ्चालक मण्डलसँग रकम लिन पुगेका साहलाई पैसा दिन आनाकानी गरेपछि विवाद सुरु भएको बताईएको छ ।सोहिक्रममा मण्डलसहितले उनको हत्या गरेको पाईएको अनुसन्धानमा संलग्न एकजना अधिकृतले बताए ।