काठमाडौँ । नेकपा एमालेका प्रमुख सचेतक महेश बर्तौलाले प्रमुख प्रतिपक्ष दल नेकपा (माओवादी केन्द्र)ले गरेका संसदीय लोकतन्त्रप्रति गरेको प्रतिबद्धतामाथि गम्भीर प्रश्न सिर्जना भएको बताउनुभएको छ ।
आईतवार संसद भवन बाहिर पत्रकारहरुसँग कुरा गर्दै उहाँले यस्तो बताउनुभएको हो । उहाँले माओवादी केन्द्रले गणतन्त्रिक व्यस्थामाथि प्रहार गर्नेसँग संसदमा कुम जोडेर बसेको आरोप लगाउनु भयो । निरन्तर चार दिनदेखि संसद अवरुद्ध गरेर माओवादी केन्द्रले लोकतन्त्र र संविधानप्रतिको आफ्नो प्रतिवद्धतामाथि संशय पैदा भएको उहाँको भनाइ छ ।
उहाँले तीनकुने घटनाका मुख्यदोषी पूर्वराजाका बारेमा संसदमा छलफल गरी साझा मत निर्माण गरेर उनलाई कारबाही प्रक्रिया बढाउनुपर्नेमा माओवादीले संसद अवरोध गर्नु दुर्भाग्य भएको बताउनु भयो ।
उहाँले भन्नुभयो,‘लगातार यो सदन चार दिनदेखि अवरुद्ध प्रमुख प्रतिपक्षीले गर्दैछ । प्रमुख प्रतिपक्षले सरम मान्नुपर्छ र प्रमुख प्रतिपक्षको राजनीतिक दृष्टिकोणमाथि पनि यहाँ प्रश्न सिर्जना भएको छ । बाहिर गणतन्त्रको पक्षमा नाराबाजी लगाउने, संसदमा गणतन्त्रको विरुछमा ढुङ्गा हान्नेहरुसँग कुम जोडेर अनि संविधानविरुद्ध हाउस चल्न नदिने रु माओवादी केन्द्रको राजनीतिक प्रतिबद्धता के हो रु देखाउँदा एउटा भन्ने भित्र अर्को ! त्यसकारण यो गम्भीर प्रश्न सिर्जना भएको छ । आज यति धेरै प्रश्नहरु समाजमा देखिएका छन् ।
संघीयताको विरुद्धमा, संविधान र गणतन्त्तका विरुद्धमा खुलम खुला रुपमा चुनौती दिने श्रृङखला भयो । लुटपाटका घटना आन्दोलनको नाममा । संविधान बमोजिम शान्तिपूर्ण रुपमा सबैले भेला हुन पाउँछन् । राजनीतिक विचार मतहरु राख्न पाउँछन् मतहरु जनताका बीचमा राख्न पाउँछन् । तर अस्ति जुन प्रकारको लुटपाट चल्यो, जनु प्रकारले पत्रकारलाई जलाउने मार्ने काम भयो । सुरक्षमा खटिएका प्रहरीमाथि निर्घात अक्रमण भयो ।
यस्तो लुटपाट अराजकता जुन ढंगबाट भएको हामीले देख्यौँ यी विषय सदनमा छलफल मात्रै होइन समग्र गतिविधि गर्ने पूर्वराजा ज्ञानेन्द्रलाई र उनका विषयमा सदनमा छलफल भएर उनलाई कारबाही गर्ने प्रक्रियालाई यो सदनबाट अगाडि बढ्ने साझा मत सिर्जना गरेर अगाडि बढ्नुपर्ने आजको दिन थियो । यो दिन माओवादी केन्द्रका कारण अवरुद्ध भयो ।’
प्रमुख सचेतक बर्तौलाले तीनकुने घटनाका मुख्य योजनाकार पूर्वराजा ज्ञानेन्द्र शाह भएकाले उनलाई आमसर्वसाधारण नेपाली नागरिक सरह कानुनबमोजिम कारबाही गर्नुपर्ने बताउनु भयो ।
