काठमाडौं । प्रतिनिधिसभा बैठक स्थगित भएको छ । भोलि बिहान ११ बजेसम्मका लागि बैठक स्थगित गरिएको हो ।
सत्ता र प्रतिपक्षबीच सहमति जुट्न नसक्दा बैठक स्थगित भएको हो ।
विद्युत् प्राधिकरणको कार्यकारी निर्देशक पदबाट कुलमान घिसिङलाई बर्खास्तीको कारण माग गर्दै विपक्षी दलहरूले संघीय संसद्का दुवै सदन अवरोध गर्दै आइरहेका छन् ।
प्रधानमन्त्रीले यसको जवाफ दिनुपर्ने प्रतिपक्षीको अडान छ । भोलि संसद्मा प्रधानमन्त्रीले सम्बोधन गर्ने कार्यसूची छ ।
आइतबारका लागि बोलाइएको बैठक विपक्षीको अवरोधका कारण तीनपटकसम्म सूचना टाँस गरेर स्थगित गरिएको थियो ।
