काठमाडौँ । प्रतिनिधिसभाको दोस्रो बैठक पुनः स्थगित भएको छ ।
बैठक सुरु हुनासाथ प्रतिपक्ष दलका सांसदहरुले विरोध कायमै राखेपछि सभामुखले १४ गते बिहिबार बिहान ११ बजे बैठक बस्नेगरी स्थगित गरेका हुन् ।
यसअघि बिहान ११ बजे बसेको प्रतिनिधिसभाको बैठक प्रतिपक्ष दलका सांसदहरुको अवरोधका कारण आधा घण्टा स्थगन गरिएको थियो ।
प्रमुख प्रतिपक्ष दल नेपाल कम्युनिष्ट पार्टी (माओवादी केन्द्र) लगायतका प्रतिपक्ष दलका सांसदहरुले सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई बर्खास्त गरेकोप्रति बैठकको सुरुमै उठेर विरोध जनाएका थिए ।
