काठमाडौँ । आज मन्त्रिपरिषद् बैठक बस्दैछ । आज बस्ने बैठक मन्त्रिपरिषद्को नियमित बैठक हो ।
साँझ बस्ने बैठकले नेपाल प्रहरीको ३१ औं आईजीपीमा दीपक थापालाई नियुक्त गर्ने उच्च स्रोतले बताएको छ ।
आईजीपी बसन्त कुँवरको चैत ५ गतेबाट अनिवार्य अवकाश हुने भएपछि बैठकले ३१ औं आईजीपीका रुपमा थापालाई चयन गर्ने भएको हो । कुँवरसँगै अन्य ९ जना उच्च अधिकृत पनि प्रहरी सेवाबाट बिदा हुँदैछन् ।
एआईजीहरू थापासँगै सुदीप गिरी र टेकबहादुर तामाङ पनि आईजीपीको दौडमा थिए ।
हाल केन्द्रीय अनुसन्धान ब्युरो (सिआइबी)को नेतृत्व सम्हालिरहेका थापाले इन्स्पेक्टर दर्जादेखि एआईजीसम्म २० भन्दा बढी युनिटको नेतृत्व गरिसकेका छन् ।
