काठमाडौं । च्यासल युथ क्लबका दुई खेलाडीलाई कोरोना संक्रमण पुष्टि भएको छ ।
डिफेन्डर कमल श्रेष्ठ र गोलरक्षक प्रदिप भण्डारीलाई कोरोना पुष्टि भएको हो ।
उनीहरुले अब सहिद स्मारक ए डिभिजन लिगका खेलहरु गुमाउने भएका छन् ।
क्लबका सहायक प्रशिक्षक आशिक थापा मगरले कमल र प्रदिपलाई कोरोना भएको पुष्टि गरेका हुन् ।
लिग अन्तर्गत आठौं चरणको खेल सकिँदा च्यासल ५ अंकसहित १३ औ स्थानमा छ । १४ टिमले प्रतिस्पर्धा गरेको लिगमा २ टिम रेलिगेसन हुनेछन् ।