काठमाडौँ । पूर्वराजा ज्ञानेन्द्र शाहले राष्ट्रकवि माधवप्रसाद धिमिरेप्रति श्रद्धान्जलि अर्पण गरेका छन् । उनले स्वर्गीय घिमिरेलाई निरन्तर साधनारत उत्कृष्ट साहित्यिक व्यक्तित्व भन्दै घिमिरेको निधनप्रति दुःख व्यक्त गरेका हुन् ।
पूर्वराजा ज्ञानेन्द्रले देशभक्ति र प्रकृति प्रेममा आधारित उहाँका अनेकौं काव्यकृति सदा पठनीय र मननीय छन् भनेका छन् । उहाँको निधनले नेपाली वाङ्मय र साहित्यको क्षेत्रमा अपूरणीय क्षति भएको कुरा उनले व्यक्त गरेका छन् । उनले दिवङ्गत आत्माको चिरशान्तिको कामना गर्दै शोक सन्तप्त परिवारजनप्रति हार्दिक समवेदना प्रकट गरेका छन् ।
राष्ट्रकवि घिमिरेको हिजो मंगलबार निधन भएको थियो । उहाँको आजै पशुपति आर्यघाटमा अन्तिम संस्कार गरिँदैछ ।