एजेन्सी । पाकिस्तानमा बलुच लिबरेसन आर्मी (बीएलए)ले मंगलबार एक यात्रु रेल अपहरण गरेको छ ।
बीएलएले दावी गरेको छ कि उनका लडाकुहरूले जाफर एक्सप्रेसमा आक्रमण गरी कब्जा गरेका थिए । १२० यात्रुलाई बन्धक बनाएको छ । ट्रेन क्वेटाबाट पेशावर जाँदै थियो ।
पाकिस्तानी अखबार द डनले बलुचिस्तान सरकारका प्रवक्ता शाहिद रिन्दलाई उद्धृत गर्दै रिपोर्ट गरेको छ । शाहिदले भने, ‘क्वेटाबाट पेशावर जाँदै गरेको जाफर एक्सप्रेसमा पेहरो कुन्री र गडलारबीच भारी गोलीबारी भएको खबर छ । यस अवधिमा ६ सैनिकको मृत्यु भएको छ ।’
एक विज्ञप्तिमा बीएलएले भनेको छ –‘हाम्रा लडाकुहरूले मस्कफ, धादर र बोलानमा यो अभियानको योजना बनाएका छन् । रेलवे ट्र्याक उडाएको छ, जसका कारण जाफर एक्सप्रेस रोकिनु परेको छ । यसपछि हाम्रा लडाकुहरूले यो ट्रेन कब्जा गरे र यात्रुहरूलाई बन्धक बनाए ।’
बन्धकहरूमा पाकिस्तानी सेना, प्रहरी, एन्टी टेररिज्म फोर्स (एटीएफ) र इन्टर(सर्भिसेस इन्टेलिजेन्स (आईएसआई) का एजेन्टहरू रहेका छन् जो पञ्जाब जाँदै थिए ।
महिला, बालबालिका र बलुच यात्रुहरूलाई रिहा गरिएको छ भने पाकिस्तानी सुरक्षा बलका कर्मचारीहरूलाई मात्र बन्धक बनाइएको छ ।
नोभेम्बर १४ मा क्वेटा रेलवे स्टेशनमा भएको विस्फोटमा २६ जनाको मृत्यु भएको थियो भने ५० भन्दा बढी घाइते भएका थिए । त्यसबेला पनि आक्रमणको जिम्मेवारी आतंकवादी समूह बलुच लिबरेशन आर्मी (बीएलए)ले लिएको थियो ।
