काठमाडौँ । इंग्लिस प्रिमियर लिग फुटबलमा उपाधि होडमा रहेको आर्सनललाई पुनः धक्का लागेको छ ।
यसअघिको खेलमा हार ब्यहोरेको आर्सनल गएराति भएको खेलमा नटिङहम फरेस्टसँग बराबरी खेलेको हो ।
नटिङहमको घरेलु मैदान सिटी ग्राउन्डमा दुबै टोलिले गोल गर्न सकेनन् र अंक बाँडे ।
बराबरीको नतिजासँगै आर्सनल २७ खेलबाट ५४ अंकका साथ तालिकाको दोस्रो स्थानमा छ भने नटिङहम ४८ अंकका साथ तेस्रो स्थानमा छ ।
यस्तै, गएराति नै भएको अर्को खेलमा म्यान्चेस्टर सिटीले १–० गोलले हरायो । सिटीको जितमा एकमात्र निर्णायक गोल एर्लिङ हालाण्डले गरे ।
टोटेनहमको घरेलु मैदानमा हालाण्डले १२ औं मिनेटमा गरेको गोल नै सिटीलाई जितका लागि पर्याप्त बन्यो ।
जितसँगै सिटी २७ खेलबाट ४७ अंकका साथ तालिकाको चौंथो स्थानमा छ भने टोटेनहम ३३ अंकका साथ १३ औं स्थानमा छ ।
