काठमाडौँ । इंग्लिस प्रिमियर लिग फुटबलमा उपाधि होडमा रहेको आर्सनललाई झट्का लागेको छ । गएराति भएको खेलमा आर्सनल घरेलु मैदानमै वेस्टहाम युनाइटेडसँग १–० गोलले हार्न पुग्यो ।
वेस्टहामको जितमा खेलको ४४ औं मिनेटमा जारोर्ड बोइनले गरेको गोल निर्णायक बन्यो । ७३ औं मिनेटमा लेविस–स्केलीले रातो कार्ड खाएपछि आर्सनल थप दबाबमा पर्यो । वेस्टहामलाई दबाबमा राखेपनि आर्सनलले गोल गर्न भने सकेन ।
पराजित आर्सनल २६ खेलबाट ५३ अंकका साथ तालिकाको दोस्रो स्थानमा रहेको छ । हारसँगै आर्सनलले शीर्षस्थानको लिभरपुलसँग अंकदुरी घटाउने अवसर गुमायो । लिभरपुलको ६१ अंक छ । विजयी वेस्टहाम ३० अंकका साथ १६ औं स्थानमा रहेको छ ।
